بەڕێوەبەر و ئەفسەرانی نشینگەی سلێمانی سەردانی ئیدارەی گەرمیانیان کرد
11 / 9 / 2022
ئەمڕۆ (٨ی ئەیلول) بەڕێوەبەری بەڕێوەبەرایەتی نشینگەی پارێزگای سلێمانی و ئەفسەرانی یاوەری لە بەڕیوەبەرایەتیەکە، سەردانی ئیدارەی گەرمیانیان کرد و سەرپەرشتیاری ئیدارەی گەرمیان پشتیوانی ئیدارەکەی بۆ دوپاتکردنەوە. جەلال نوری سەرپەرشتیاری ئیدارەی گەرمیان وێرایی بەخێرهاتن و پیرۆزبایی دەستبەکاربونی بەڕێوەبەری نوێی نشینگەی پارێزگای سلێمانی، هیوای خواست لەقۆناغی نوێی کاکردنیدا لەچوارچیوەی یاسا و ڕێنماییەکاندا ئاسانکاری تەواو هەبێت بۆ ئەو گەشتیار و کرێکارانەی کە سەردانی گەرمیان دەکەن لەرێگەی فەرمانگەکەیانەوە لەسنوری گەرمیان، ئەوەش لەبەر ئەوەی گەرمیان شوێنێکی پڕ جموجۆڵی بازرگانییە و چەندین شارەزا و کرێکاری بیانی کاری تێدا دەکەن، بۆ ئەو مەبەستە پشتیوانی ئیدارەی گەرمیانی بۆ دوپاتکردنەوە، لەخزمەتی هاوڵاتیان و گەشتیاران و ئەوانەی ڕوی تێدەکەن. مقەدەم ڕەوف مەلەک مزەفەر، بەڕێوەبەری بەڕێوەبەرایەتی نشینگەی پارێزگای سلێمانی ڕایگەیاند، لەڕوانگەی گرنگیمان بۆ پێگەی گەرمیان هاتوون بزانن کاروبارەکانی فەرمانگەیان لەسنورەکە چۆن بەڕێوەدەچێت و چۆن خزمەتی زیاتر پێشکەش بکەن. راشیگەیاند، سوپاسی سەرپەرشتیاری ئیدارەی گەرمیان دەکەین کە هەمیشە ئیدارەکەیان هاوکار و پشتیوانی فەرمانگەکەیان بووە لەسنورەکە، هیواشی خواست هەماهەنگی و پشتیوانیان بەردەوام بێت لەپێناو زیاتر خزمەتکردنی هاوڵاتیان و گەشتیاران.
| 513 جار خوێندراوه‌ته‌وه |
|
|
|