سەرپەرشتیاری ئیدارەی گەرمیان بەڕێوەبەرایەتی گشتی ئەوقاف و کاروباری ئاینی بەسەرکردەوە
6 / 10 / 2022
ئەمڕۆ (٥ی تشرینی یەکەم) سەرپەرشتیاری ئیدارەی گەرمیان، بەڕێوەبەرایەتی گشتی ئەوقاف و کاروباری ئایینی گەرمیانی بەسەرکردەوە لەگەڵ بەڕێوەبەری گشتی ستافی بەڕایوەبەرایەتیەکە کۆبوەوە. لەو بەسەردکردەوەدا کە ژمارەیەک لە مامۆستایانی ئاینی ئامادەی بوون، جەلال شێخ نوری سەرپەرشتیاری ئیدارەی گەرمیان رایگەیاند، ئێمە لە ئیدارەی گەرمیان دەستخۆشی ئاڕاستەی بەڕێوەبەرایەتیەکەتان و سەرجەم مامۆستایانی ئایینی دەکەین، لەبەرامبەر ئەرک و رۆڵ بینینیان و هەوڵەکانیان بۆ چارەسەری کێشە و گرفتە کۆمەڵایەتیەکان لە رێگەی مینبەری مزگەوتەکانەوە. ووتیشی، لەگەڵ نزیکبونەوەی یادی مەولودی پێغەمبەر (د.خ) پیرۆزبایی لەسەرجەم موسڵمانان دەکەین و هاوکاردەبین بۆ ئەنجامدانی رێوڕەسمی شایستەی تایبەت بەو یادە پیرۆزە. جەختیشیکردەوە، ئیدارەی گەرمیان هەمیشە هاوکار و پشتیوانی بەڕێوەبەرایەتی گشتی ئەوقافی گەرمیان دەبێت بۆ جێبەجێکردنی داواکاریەکانی و خزمەتکردن و سەرکەوتنیان لە کارەکانیاندا. لای خۆیەوە، م. صەباح حەمەصاڵح بەڕێوەبەری گشتی ئەوقافی گەرمیان، کۆمەڵێک داواکاری خستەڕوو کە خۆی دەبینیەوە لە دابینکردنی پێداویستیەکانیان و باسی لە ووردەکاری کارەکانی بەڕایوەبەرایەتیەکەیانی کرد و سوپاسی سەرپەرشتیاری ئیدارەی گەرمیانی کرد بۆ هاوکاری و پشتیوانی و بەسەرکردنەوەی بەڕێوەبەرایەتیەکەیان.
494 جار خوێندراوهتهوه |
|
|
|