ئەمڕۆ (٦ی شوبات) سەرپەرشتیاری ئیدارەی گەرمیان بە ئامادەبوونی جێگری سەرپەرشتیار و بەڕێوەبەری نوسینگەی پاسپۆرتی گەرمیان، پێشوازیکرد لە بەڕێوەبەری پاسپۆرتی سلێمانی.

لە دیداری نێوانیان، عەمید سالار بەڕێوەبەری پاسپۆرتی سلێمانی، باسی لە ووردەکاری پاسپۆرتی ئەلیکترۆنی کرد و ئەوەشی خستەڕوو، رێکارەکانی پاسپۆرتی ئەلیکترۆنی تەواو بووە و لە گەرمیانیش هاوشێوەی شوێنەکانی تر پاسپۆرت دەبێتە ئەلیکترۆنی و سبەینێ پاسپۆرتی ئەلیکترۆنی دەکەوێتەکار. هاوکات، عەمید سالار سوپاسی ئیدارەی گەرمیانی کرد بۆ هاوکاری و پشتیوانیکردنی بەردەوامی نوسینگەی پاسپۆرتی گەرمیان.

لای خۆیەوە، جەلال شێخ نوری سەپەرشتیاری ئیدارەی گەرمیان، بە ئەلیکترۆنیکردنی پاسپۆرتی گەرمیانی بە گرنگ وەسفکرد و ئامادەیی ئیدارەی گەرمیانی پیشاندا بۆ هاوکاری و پشتیوانیکردنی نوسینگەی پاسپۆرتی گەرمیان بە ئامانجی خزمەتکردنی هاوڵاتیانی سنورەکە.