ئەمڕۆ (٢ی ئایار) ناوەندی رێکخراوەکانی ژنان و ئافرەتان لە گەرمیان، سەردانی ئیدارەی گەرمیانیان کرد و لەلایەن سەرپەرشتیاری ئیدارەی گەرمیانەوە پێشوازیان لێکرا.

لەو سەردانەدا، رێکخراوەکانی ژنان و ئافرەتان، ئەنجامی راپرسیەکیان خستەڕوو کە لەماوەی رابردوودا لە نێو ئەو ژنانە ئەنجامیان داوە لە کارگە و شوێنکارەکان وەک کرێکار کاردەکەن و پەیوەست بوو بە کێشە و گرفتەکانیان لەکاتی کاردا، داواشیان کرد ئیدارەی گەرمیان کار لەسەر چارەسەری کێشەکانیان بکات. لای خۆیەوە، جەلال شێخ نوری، باسی لە رەوشی ژنان بە گشتی کرد و رۆڵی رێکخراوەکانی بواری ژنانی بەگرنگ ناوبرد، ئەوەشی خستەڕوو، ئیدارەی گەرمیان کار لەسەر دەرئەنجامی راپرسیەکەیان دەکات.