ئەمڕۆ (٣٠ی نیسان) بەئامادەبوونی جەلال شێخ نوری سەرپەرشتیاری ئیدارەی گەرمیان و ژمارەیەک لە بەرپرسانی لایەنە سیاسیەکان و بەڕێوەبەری دامودەزگا حکومیەکان و دادوەران و مامۆستایانی زانکۆ، دیداری زانستی دادوەر د.فەرهاد حاتەم بۆ پرسی ئەنفال، لەلایەن زانکۆی گەرمیان و زانکۆی جیهان لە شاری کەلار ئەنجامدرا.

لە دیدارەکەدا، بەچەندین پانێڵ و چالاکی تیشکخرایەسەر ژیانی ئەکادیمی و کاری دادوەری کۆچکردوو د.فەرهاد حاتەم، کە لەساڵانی رابردوودا وەک ئەندامی داواکاری گشتی لەگەرمیان و سەرۆکی فەرمانگەی داواکاری گشتی سلێمانی خزمەتی کردووە.

هەر لەدیدارەکەدا، تیشکخرایەسەر هەوڵەکانی دادوەر فەرهاد حاتەم بۆ بە دادگا گەیاندنی تاوانبارانی کەیسی ئەنفال و گەڕانەوەی مافی کەسوکاری قوربانیانی ئەنفال.