بەروار: 24/08/2025
سەرپەرشتیاری ئیدارەی گەرمیان "حاجی فەیم"ی لە ناحیەی ڕزگاری بەسەرکردەوە و لە تەندرووستی پرسیەوە.
ئەمڕۆ(٢٤ی ئاب) جەلال شێخ نوری سەرپەرشتیاری ئیدارەی گەرمیان سەردانی ماڵی "حاجی فەیم" تاقانەی ئەنفال ی کرد و لە نزیکەوە لە دۆخی ژیان و تەندرووستی پرسییەوە.
" حاجی فەیم" تاقانەی ئەنفال، وێرای بەخێرهاتن، دڵخۆشی زۆری خۆی بۆ سەردانەکەی سەرپەرشتیاری ئیدارەی گەرمیان دەربڕی و بە وەفادار و خەمخۆر ناوی برد.
"جەلال شێخ نوری" سەرپەرشتیاری ئیدارەی گەرمیان لە سەردانەکەیدا ئاماژەی بۆ ئەوەکرد، کەسوکاری سەربەرزی ئەنفالکراوان شکۆیەکی بەرزیان هەیە و بەتایبەت "حاجی فەیم" نمونەی قارەمانێتی و خۆڕاگری کەسوکاری ئەنفالکراوانە.
حاجی فەیم جگە لە ناوبانگی ئازایەتیی و قارەمانێتیی، لە خەباتی چەکداری و سەردەمی شەڕی پێشمەرگایەتی لە دژی ڕژێمی بەعس ڕۆی کارای هەبووە ، هاوکات سیمبولی قوربانیدانە هەموو کەسوکارەکەی بەدەستی ڕژێمی بەعس ئەنفالکراون.