بەروار: 24/08/2025
سەرپەرشتیاری ئیدارەی گەرمیان "ماڵی مەریەم" ی لە ناحیەی ڕزگاری بەسەرکردەوە.
ئەمڕۆ (٢٤ی ئاب) سەرپەرشتیاری ئیدارەی گەرمیان سەردانی "ماڵی مەریەم"ی لە ناحیەی ڕزگاری کرد و لە نزیکەوە بەش و یەکەکانی پرۆژەکەی بەسەرکردەوە.
مام پۆڵا، سەرۆکی ڕیکخراوی هاوکاری ئەڵمانی وێرای پێزانینی بۆ بەسەرکردنەوەکەی سەرپەرشتیاری ئیدارەی گەرمیان ڕایگەیاند"ماڵی مەریەم پرۆژەیەکی گرنگی ڕێکخراوی هاوکاری ئەڵمانییە بۆ بە دیۆکۆمێنتکرنی کەلوپەلی ئەنفالکراوان و تۆمارکردنی تراجیدیاکانی ئەنفال بەشێوەی نوسراو و بەرهەمی ڤیدیۆیی لە گەرمیان، هاوکات داوای کرد سەرپەرشتیاری ئیدارەی گەرمیان هاوکار و پاڵپشتیان بێت لە سەرخستنی پرۆژەکەیان". جەلال شێخ نوری سەرپەرشتیاری ئیدارەی گەرمیان بەگرنگەوە لە پرۆژەکەی ڕێکخراوی هاوکاری ئەڵمانی ڕوانی و پشتیوانی ئیدارەی گەرمیانی بۆ هەرکارێک کە خزمەتی دۆزی ئەنفال و کەسوکارەکەی بکات دەربڕی، بۆ ئەو مەبەستەش ئیدارەی گەرمیان هاوکار و پشتیوانتان دەبێت. "ماڵی مەریەم پرۆژەیەکی ڕێکخراوی هاوکاری ئەڵمانییە لە ناحیەی ڕزگاری لە ساڵی ٢٠٢١ ەوە دامەزراوە و کار لەسەر دیۆکیۆمێنتکردنی ئەرشیفی وێنەیی و ڤیدیۆی و کەلوپەلی ئەنفالکراوان دەکات لە گەرمیان".