بەروار: 24/11/2025
ئەمڕۆ (٢٤ى تشرینى دووەمى ٢٠٢٥) ناوەندى رێکخراوەکانى ژنان لە گەرمیان سەردانى ئیدارەى گەرمینیان کرد و لە کۆبوونەوەیان لەگەڵ سەرپەرشتیارى ئیدارەى گەرمیان باس لەرەوشى ژنان لە سنورەکە کرا. لە کۆبوونەوەکەدا، ناوەندى رێکخراوەکانى ژنان باسیان لە کارى رێکخراوەیی و چالاکییەکانیان لە پێناو رێگرى لە توندوتیژى ژنان کرد و جەختیشیان لە گرنگى هەماهەنگیان لەگەڵ ئیدارەى گەرمیان و دامودەزگا پەیوەندیدارەکان بۆ ئەو مەبەستە کردەوە.
هاوکات، ناوەندى هاوبەشى رێکخراوەکانى ژنان ئەوەشیان خستەڕوو، بەپێى بەدواداچوونیان، ژنانى جیابوەوە لە گەرمیان بەهۆى کێشەى کەمى فەرمانبەر لە فەرمانگەى جێبەجێکارى دادى مامەڵەکانیان بۆ وەرگرتنى نەفەقە دوادەکەوێت و داوایانکرد سەرپەرشتیارى ئیدارەى گەرمیان ئەو کێشە چارەسەر بکات.
لەبەرامبەردا سەرپەرشتیارى ئیدارەى گەرمیان وێڕاى ئەوەى جەختى لە گرنگى رۆڵى رێکخراوەکانى بوارى ژنان کردەوە، ئامادەیی ئیدارەى گەرمیانى پیشاندا بۆ هاوکارى و هەماهەنگى بەردەوام لەگەڵ رێکخراوەکاندا.
ئەوەشى خستەڕوو، بۆ چارەسەرکردنى کێشەى نەبوونى فەرمانبەر لە فەرمانگەى جێبەجێکارى دادى لەگەڵ لایەنى پەیوەندیدار لەسەر هێڵە و کارى پێویست لەو بارەوە دەکرێت و ئەو گرفتە چارەسەر دەکرێت.