بەروار: 25/11/2025
له رۆژی 25 نۆڤهمبهر تایبهت به بهرهنگاربونهوهی توندوتیژی دژ بە ژنان، بهچاودێری سهرپهرشتیاری ئیدارهی گهرمیان و لهلایهن بهڕێوهبهرایهتی بەرەنگاربوونەوەى توندوتیژى دژى ئافرەتان لە گەرمیان بە هاوبەشى لەگەڵ بەڕێوەبەرایەتى گشتى رۆشنبیرى و هونەرى گەرمیان، ژمارهیهك چالاكی تایبهت بهو پرسه له گهرمیان ئهنجامدهدرێت.
بە ئامادەبوونى بەڕێز جەلال شێخ نورى سەرپەرشتیارى ئیدارەى گەرمیان و ژمارەیەک چالاکوانانی بواری ژنان و مامۆستایانی ئاینی و هونەرمەندان و ڕۆشنبیران و مامۆستایانی زانکۆ و چین و توێژەکان ، دەستپێکى چالاکییەکان بە کردنەوەى پێشەنگایەکى شێوەکارى دەستیپێکرد، تیایدا دەیان تابلۆى شێوەکارى کە گوزارشت بوون لە بەرەنگاربونەوەى تونودیژى دژى ژنان نمایشکران و دواتر پانێڵێک بەناونیشانى (تەڵاق و لێکجیابونەوەى هاوسەران، کاریگەرى و لێکەوتەکانى) ئەنجامدرا و بڕیارە لە رۆژانى داهاتووشدا لەلایەن بەڕێوەبەرایەتى بەرەنگاربوونەوەى توندوتیژى دژى ئافرەتان چالاکى تر ئەنجامبدرێت.