بەروار: 17/02/2026
پەیامی سەرپەرشتیاری ئیدارەی گەرمیان بەبۆنەی مانگی رەمەزانەوە
بەناوی خوای گەورە و میهرەبان بەبۆنەی هاتنەوەی مانگی رەمەزانی پیرۆزەوە، بەناوی ئیدارەی گەرمیانەوە پیرۆزبایی لە تەواوی موسڵمانانی خۆشەویست دەکەین و داواکارین خوای گەورە رۆژو و تاعاتی هەمووان قبوڵ بکات و خێر و بەرەکەتی خۆی بەسەر ووڵاتەکەماندا ببارێنێت. مانگی رەمەزان مانگی خێر و بەرەکات و بەخۆدا چونەوە و پاکبونەوەی دڵەکانە، لەم مانگە پیرۆزەدا داواکارین لە یەزدانی مەزن گیانی لێیبوردەیی و برایەتی و ئاشتی و پێکەوەژیان لە ووڵاتەکەماندا بەرقەرار بکات و ئاسودەیی و خۆشگوزەرانی باڵبکێشیت بەسەرماندا و میللەتەکەمان بپارێزێت لە هێرشی ناڕەوای تیرۆریستان و زاڵمان و دوژمنەکانمان. لێرەشەوە داوا لەسەرجەم فرۆشیار و کاسبکارانی بازاڕ دەکەین لەم مانگە پیرۆزەدا شتومەک گران نەکەن و بەپێچەوانەوە لەکاتی زیادکردنی نرخەکاندا لەلایەن یەکە ئیدارییەکانەوە لە رێگەی لیژنەکانی چاودێری بازاڕەوە رێکاری پێویستان بەرامبەر دەگیرێتەبەر. دووبارە مانگی رەمەزان پیرۆز بێت و هەمووان بە تەندرستی باشەوە ئەم مانگە بەسەر ببەن. جەلال شێخ نوری سەرپەرشتیاری ئیدارەی گەرمیان ٢٠٢٦/٢/١٧