سەرپەرشتیاری ئیدارەی گەرمیان هۆڵەکانی تاقیکردنەوەی پۆلی دوازدەی بەسەرکردەوە

بەروار: 14/06/2026

سەرپەرشتیاری ئیدارەی گەرمیان هۆڵەکانی تاقیکردنەوەی پۆلی دوازدەی بەسەرکردەوە.

ئەمڕۆ (١٤ی حوزەیران) سەرپەرشتیاری ئیدارەی گەرمیان بەیاوەری بەڕێوەبەری گشتی پەروەردەی گەرمیان هۆڵەکانی تاقیکردنەوەی پۆلی دوازدەی ئامادەیی بەسەرکردەوە و لەنزیکەوە ئاگاداری چۆنیەتی بەڕێوەچوونی تاقیکردنەوەکان و دۆخی خزمەتگوزاری هۆڵەکانی تاقیکردنەوەکان بوون. 

لەو سەردانەدا (جەلال شێخ نوری ) سەرپەرشتیاری ئیدارەی گەرمیان لەنزیکەوە چۆنیەتی بەڕێوەچوونی  تاقیکردنەوەکانی بینی و هیوای سەرکەوتنی بۆ سەرجەم خوێندکاران خواست، ئامادەیی ئیدارەی گەرمیانی پیشاندا بۆ دابینکردنی خزمەتگوزارییەکان و چارەسەرکردنی هەرگرفتێک کە بێتە بەردەم پرۆسەی تاقیکردنەوەکان.