بەروار: 31/07/2025
ئەمڕۆ (٣١ی تەمموزی ٢٠٢٥) نوێنەری ١٦٨ دەرچووی کفری کە فەرمانی دامەزراندنیان هەیە سەردانی ئیدارەی گەرمیانیان کرد و داوایان کرد ئیدارەی گەرمیان کاربکات بۆ دەستبەکاربونیان، سەرپەرشتیاری ئیدارەی گەرمیانیش دڵنیایی پێدان داخوازیەکەیان بەهەند وەردەگیرێت و کاری لەسەر دەکات. لە کۆبونەوەکەدا، کە جێگری سەرپەرشتیاری ئیدارەی گەرمیان بۆ کاروباری هونەری ئامادەی بوو، نوێنەری دەرچووەکانی قەزای کفری داوایانکرد، سەرپەرشتیاری ئیدارەی گەرمیان پشتیوانیان بێت و داواکاری دەستبەکاربوونیان ئاڕاستەی ئەنجومەنی وەزیران بکات. لای خۆیەوە، جەلال شێخ نوری سەرپەرشتیاری ئیدارەی گەرمیان، جەختی لە پێویستی ئەو فەرمانبەرانە بۆ دامودەزگاکانی کفری کردەوە و ئەوەی خستەڕوو، لە ڕابردوودا، ئیدارەی گەرمیان چەند جارێک نوسراوی کردووە بۆ دەرچوونی فەرمانی دەستبەکاربوونی ئەو فەرمانبەرانە بەڵام بەهۆی کێشەی داراییی و تەرخانکردنی موچە لەلایەن حکومەتی عێراقەوە، دەستبەکاربوونی ئەم ١٦٨ کەسەی کفری دواکەوتووە. ووتیشی، ئێمە پشتیوانی لە داواکارییەکانتان دەکەین و هاوکار و هەمەهەنگ دەبین لە گەڵتانە بۆ ئەوەی داواکاریەکەتان بگاتە ئەنجومەنی وەزیران و فەرمانی دەستبەکاربوونتان بۆ دەبچێت.