بەروار: 04/08/2025
ئەمڕۆ (٤ی ئابی ٢٠٢٥) بەمەبستی تەواوکردنی پرۆژەی رێگای توکن- عەزیز قادر ئەنجومەن و نوێنەری دانیشتوانی گوندی توکن لە سنوری قەزای کفری، سەردانی ئیدارەی گەرمیانیان کرد و لەدیداریان لەگەڵ سەرپەرشتیاری ئیدارەی گەرمیان، کە هەریەکە لە جێگری سەرپەرشتیار بۆ کاروباری هونەری و بەڕێوەبەری رێگاوبانی گەرمیان ئامادەی بوون، داوایانکرد پرۆژەکە تەواوبکرێت. لەبەرامبەردا، جەلال شێخ نوری سەرپەرشتیاری ئیدارەی گەرمیان، وێڕای ئەوەی جەختی کردەوە لە گرنگی تەواوکردنی ئەو رێگایە لەبەر ئەوەی رێگای کۆمەڵێک گوندن کە بەر شاڵاوی ئەنفال کەوتوون. راشیگەیاند، ئەو پرۆژەیە لە ساڵی ٢٠٢١ چوەتە بواری جێبەجێکردنەوە و بەهۆی کێشەی داراییەوە کارەکانی راگیراون، ئێمە لە ئیدارەی گەرمیان داواکاریەکەتان بەهەند وەردەگرین و بە گرتنەبەری رێکاری پێویست کاردەکەین بۆ دابینکردنی نەختینەی پرۆژەکە تا کۆمپانیای جێبەجێکار بتوانێت کارەکانی دەست پێبکاتەوە.