بەروار: 06/08/2025
ئەمڕۆ (٦ی ئابی ٢٠٢٥) هەریەکە لە بەڕێوەبەری گشتی ئەوقاف و کاروباری ئاینی گەرمیان و سەرۆکی لقی گەرمیانی یەکێتی زانایانی ئایینی ئیسلام، سەردانی ئیدارەی گەرمیانیان کرد و لە دیداریان لەگەڵ سەرپەرشتیاری ئیدارەی گەرمیان، باس لە کاروباری ئایینی و رۆڵی مامۆستایانی ئایینی کرا. هە ر لەدیدارەکەدا، جەخت لە بەگەڕخستنەوەی هەوڵی هاوبەش کرایەوە لە پێناو خزمەتکردن بە ئاینی ئیسلام و بەرژەوەندییە گشتییەکان و بەدیهێنانی ئاشتی و ئارامی و پێکەوەژیان لە نێو کۆمەڵگەدا. لای خۆیەوە جەلال شێخ نوری سەرپەرشتیاری ئیدارەی گەرمیان، رۆڵی مامۆستایانی ئایینی بەرز نرخاند و ئامادەیی ئیدارەی گەرمیانی پیشاندا بۆ هاوکاری و پشتیوانیکردنی مامۆستایانی ئایینی و چارسەرکردنی کێشە و گرفتەکان و دابینکردنی پێداویستی مزگەوتەکان و شوێنە ئایینیەکان.