بەروار: 12/08/2025
ئەمڕۆ (١٢ی ئابی ٢٠٢٥) جەلال شێخ نوری سەرپەرشتیاری ئیدارەی گەرمیان بە ئامادەبوونی جێگرانی سەرپەرشتیاری ئیدارەی گەرمیان پێشوازیکرد لە ئادریان ئایسلستین، کونسوڵی گشتی شانشینی هۆڵەندا لە هەرێمی کوردستان و شاندی یاوەری.
لە دیداری نێوانیان باس لە پەرەپێدانی پەیوەندی و هەماهەنگی نێوان هەردولا کرا و کونسوڵی گشتی شانشینی هۆڵەندا لە هەرێمی کوردستان خۆشحاڵی خۆی بەسەردانەکەی بۆ گەرمیان پیشاندا و ئەوەی خستەڕوو، ئەمڕۆ بەمەستی پتەوکردنی پەیوەندیەکان و ئاڵوگۆڕی بیروڕا لەسەر پرسە جیاجیاکان سەردانی ئیدارەی گەرمیانیان کردووە. ووتیشی، لە گەرمیاندا پرۆژەیەکی تایبەت بە بەخێوکردنی مانگا و کارگەی شیرەمەنی بونی هەیە و سودی لە بەرهەمی هۆڵەندی وەرگرتووە ئەمە جێگەی خۆشحاڵیە بۆ ئێمە هاوکات، ئامادەییمان هەیە هەماهانگیەک دروستبکەین پرۆژەی زیاتر لەم سنورە ئەنجامبدرێت لە بوارە جیاجیا کاندا.
لەبەرامبەردا، جەلال شێخ نوری سەرپەرشتیاری ئیدارەی گەرمیان، خۆشحاڵی خۆی بە سەردانەکەی کونسوڵی گشتی هۆڵەندا پیشاندا و باسی لەوەکرد، گەرمیان ناوچەیەکی گرنگ و ستراتیژی هەرێمی کوردستانە و لەگەڵ ئەوەی خاوەنی سامانی سروشتی و زەوی بەپیت و سەرچاوەی ئاو و ئەمنیەتی باشە، هاوسنورە لەگەڵ ناوەڕاستی عێراق و کۆماری ئیسلامی ئێران ئەمانەش وایکردووە لە رووی بازرگانی و پیشەسازی و کشتوکاڵی و وەبەرهێنان و کەرتەکانی تریش بەرەوپێشچوونی باش بەخۆوە ببینێت. ووتیشی، ئێمە لە ئیدارەی گەرمیان پێمان خۆشە بازرگانان و وەبەرهێنەرانی ووڵاتی هۆڵەندا لە سنورەکەمان پرۆژەیان هەبێت و وەبەرهێنان بکەن بۆ ئەو مەبەستەش هەماهەنگی تەواودەبین. دواتر هەر لە دیدارەکەدا، سەرپەرشتیاری ئیدارەی گەرمیان رۆڵی ووڵاتی هۆڵەندای لە هاوپەیمانی نێودەوڵەتی بۆ بەرەنگاربوونی داعش بەرز نرخاند، هاوکات گفتوگۆی تێروتەسەل لەسەر پەرەپێدانی سێکتەرە جیاجیاکان لە سنورەکە کرا و جەختکرایەوە لە بەردەوامی سەردانەکان و پتەوکردنی پەیوەندییەکان. جێگەی ئاماژە پێدانە، ئەمە سێهەمین کونسوڵی گشتی شانشینی هۆڵەندایە سەردانی ئیدارەی گەرمیان بکات و پەیوەندی و هەماهەنگی باش لەنێوان هەردولادا هەیە.