بەروار: 18/09/2025
ئەمرِۆ (١٨ى ئەیلولى ٢٠٢٥) بە ئامادەبوونى جەلال شێخ نورى سەرپەرشتیارى ئیدارەى گەرمیان و قایمقامى قەزاى کەلار و بەرپرسانى لایەنە سیاسیەکان و ژمارەیەک لە بەڕێوەبەرى دامودەزگاکان، لە مەراسیمێکمدا، شەقامى کەلار- گردەگۆزینە کرایە ناو شاعیرى کۆچکردووى ناوچەى گەرمیان، حەمەومین بەگى کەریم بەگى جاف ناسراو بە (مینە جاف). لە مەراسیمەکەدا، حاکم نزار جاف، بەناوى بنەماڵەى شاعیرەوە سوپاس و پێزانینى ئاراستەى سەرپەرشتیارى ئیدارەى گەرمیان و دامودەزگاکانى حکومەتى لە سنورەکە کرد لە بەرامبەر بەناوکردنى شەقامەکە و ئامادەبوونیان لە مەراسیمەکەدا، هاوکات تیشکخرایەسەر ژیان شاعیر و چەند هۆنراوەیەکى خوێندرایەوە. لە دوا بڕگەى مەراسیمەکەشدا، پەردە لەسەر تا بلۆى ناوى شەقامەکە لابرا و دیوانى شاعیر مینەجاف بەسەر ئامادەبوواندا دابەشکرا.