بەروار: 20/10/2025
سەرپەرشتیاری ئیدارەی گەرمیان پێشوازی کرد لە فەرماندەی لیوای ٣٠ی پێشمەرگەی بەرگری و فریاکەوتن و وەفدی یاوەری ئەمڕۆ عەمید جوامێر ئەحمەد فەرماندەی لیوای ٣٠ ی پێشمەرگەی بەرگری و فریاکەوتنی گەرمیان و وەفدی یاوەری سەردانی ئیدارەی گەرمیانیان کرد و لەلایەن سەرپەرشتیاری ئیدارەی گەرمیانەوە پێشوازییان لێکرا. لە دیداری نێوانیاندا فەرماندەی لیوای ٣٠ی پێشمەرگەی بەرگری و فریاکەوتنی گەرمیان سوپاس و پێزانینی خۆی ئاراستەی سەرپەرشتیاری ئیدارەی گەرمیان کرد لە پای هەماهەنگی و هاوکاری بەردەوامیان و بەتایبەت لە دابینکردنی بیناو کارەبا و ئاوەدانکردنەوەی فەرمانگەکەیان لە ماوەی ڕابردوودا. لای خۆشیەوە سەرپەرشتیاری ئیدارەی گەرمیان وێرای بەخێرهاتن ، سوپاسی هێزەکانی پێشمەرگەی بەرگری فریاکەوتنی کرد لە ڕۆڵی گرنگیان بۆ پاراستنی خاک و دابینکردنی ئەمنیەتی سنورەکە، ئەوەشی ڕایگەیاند کە ئەرکی پێشمەرگە لە بەرگری کردن و بەرقەرارکردنی ئاسایش و ئارامی ناوچەکە ئەرکێکی پیرۆزو دڵسۆزانەیە،ئێمە هاوکاری و پشتگیریەکانمان بۆ هێزەکانی پێشمەرگە بەئەرکی لەپێشینە دەزانین و لە هەر قۆناغ و کاتێک بێت .