بەروار: 20/11/2025
کەمپینی هۆشیارکردنەوەی کۆمەڵگە لە چوارچێوەی پڕۆگرامی REACH لە ئیدارەی سەربەخۆی گەرمیان بەڕێوەچوو
بەمەبەستی بەرزکردنەوەی توانای وەڵامدانەوەی کۆمەڵگە و هۆشیارکردنەوەی هاووڵاتییان لە کاتی ڕووداوە نەخوازراوەکان تاوەکو بتوانن خۆیان بپارێزن، بەڕێوبەرایەتی کۆچ و کۆچبەران و وەڵامدانەوەی قەیرانەکانی ئیدارەی سەربەخۆی گەرمیان/ تیمی وەڵامدانەوەی خێرا RRU،
کەمپینێكیان بۆ بەرزکردنەوەی ئاستی هۆشیاری و خۆڕاگری REACH بۆ قوتابییان و بەشێک لەمامۆستایانی قوتابخانەی کوڵەجۆی زەندئاباد ڕێکخست.
پلانی ئەمجارەی تیمی وەڵامدانەوەی خێرا RRU، ناوەرۆکەکەی بریتی بووە لە ڕێکارەکانی فریاگوزاری سەرەتایی، کە تێیدا 70 خوێندکار و مامۆستایان تییدا بەشداربوون بۆ ماوەی دوو ڕۆژ لە ڕۆژانی ١٨ و ١٩ی ١١.
ئەم کەمپینە لە ساڵی ۲۰۲۱ـەوە دامەزراوە، کە لەلایەن تیمەکانی وەڵامدانەوەی خێرا RRU لە سەرجەم پارێزگا و ئیدارە سەربەخۆکان بەڕێوەدەچیت .