بەروار: 25/11/2025
ئەمڕۆ (25ى تشرینی دووەمى 2025) سەرپەرشتتاری ئیدارەی گەرمیان پێشوازیکرد لە لیوا مەردان چاوشین فەرماندەی میحوەری دووی هێزەکانی پێشمەرگە و ژمارەیەک لە ئەفسەرانی میحوەرەکە، لە دیداری نێوانیان تیشکخرایە سەر رۆڵ و پێگەى هێزەکانى پێشمەرگە بۆ پاراستنى سنورەکان جەختیش کرایەوە لە پتەوکردنی پەیوەندیەکان و هەماهەنگی نێوان هەردولا.
لاى خۆیەوە، بەڕێز جەلال شێخ نورى سەرپەرشتیارى ئیدارەى گەرمیان، وێڕاى ئەوەى رۆڵى هێزەکانى پێشمەرگەى بەرزنرخاند، ئامادەیی ئیدارەى گەرمیان و سەرجەم دامەدەزگاکانى سنورەکەى خستەڕوو بۆ هاوکارى و پشتیوانى هێزەکانى پێشمەرگە.
لەبەرامبەردا، لیوا مەردان چاوشین سوپاسى سەرپەرشتیارى ئیدارەى گەرمیانى کرد بۆ هاوکارى و هەماهەنگى و پشتیوانى بەردەوامى بۆ هێزەکانى پێشمەرگە.