بەروار: 18/12/2025
دوای ئەوەی دوێنێ لە دیوانی قایمقامیەت بڕیار لەسەر ئەنجامدانی هەڵمەتێکی فراوان درا بۆ بەهێزکردن و پاککردنەوەی ڕێڕەوەکانی لافاو، ئەمڕۆ ڕاستەوخۆ تیمەکانمان و ئامێرەکان گەیشتنە شوێنی مەبەست و لە (چەمی گازینۆ)وە دەستیان بە کارەکانیان کرد. ئەم هەڵمەتە بەردەوامی دەبێت و بەپێی ئەو پلانەی دانراوە سەرجەم ئەو شوێنانە دەگرێتەوە کە پێویستیان بە چاککردن و بەهێزکردن هەیە (لە گەڕەکی ئازادی و گۆران تا دەگاتە سەید خەلیل)، بە ئامانجی دوورخستنەوەی مەترسی لافاو و پاراستنی سەلامەتی هاوڵاتییان. ڕاگەیاندنی قایمقامیەتی قەزای کەلار