سەرپەرشتیاری ئیدارەی گەرمیان بەربەستەکانی لافاو لە کەلار بەسەردەکاتەوە

بەروار: 30/12/2025

ئێوارەی ئەمڕۆ (٣٠ی کانوونی یەکەمی ٢٠٢٥) سەرپەرشتیاری ئیدارەی گەرمیان بە یاوەری قایمقامی قەزای کەلار و تیمەکان، بەربەستەکانی لافاو و ئەو شوێنانەی دەوربەری شاری کەلاری بەسەرکردەوە کە مەترسی لافاوی لەسەرە.

لەماوەی رۆژانی رابردوودا و لەدوای ئەو لافاوەی رووی لە سنورەکە کرد، رێڕەوەکانی ئاو لە ناو کەلار پاککرانەوە و بەربەستەکانی لافاو لە دەرەوەی شار چاککرانەوە، سەردانی ئەمڕۆی سەرپەرشتیاری ئیدارەی گەرمیان و قایمقامی قەزای کەلاریش بە ئامانجی لە نزیکەوە بینینی کارەکان و دڵنیابوونەوە لە چۆنیەتی بەربەستەکانی لافاو و بەئاگابوون لە کێشەکان و ئەو شوێنانەی مەترسی تێکچونیان هەیە، بۆ ئەوەی لەداهاتوودا چارەسەری یەکجاری بکرێن.