پەیامی سەرپەرشتیاری ئیدارەی گەرمیان بەبۆنەی سەری ساڵی نوێ

بەروار: 31/12/2025

بەبۆنەی هاتنی سەری ساڵی نوێی زایینی (٢٠٢٦)وە، پیرۆزبایی خۆمان ئاڕاستەی کەسوکاری سەربەرزی شەهیدان و ئەنفالکراوان و هاوڵاتیانی خۆشەویستی گەرمیان و کوردستان بە گشتی دەکەین، هیوادارین ساڵی نوێ ساڵێکی پڕ خۆشی و ئارامی بێت بۆ تەواوی چین و توێژەکان و هەرچی ناخۆشی و ناسەقامگیری ووڵاتەکەمان هەیە کۆتاییان پێبێت.


لەم ساڵدا، بارودۆخی سیاسی ووڵاتەکەمان ناسەقامگیری بەخۆوە بینیوە، باشترین رێگەچارە بۆ تێپەڕاندنی کێشەکان، سازان و رێککەوتن و داڕشتنەوەی سیاسەتی نیشتمانی و رێکخستنەوەی نێوماڵی کوردە بۆ پێکهێنانی کابینەی نوێی حکومەتی هەرێم و بنیاتنانی ووڵاتێکی بەهێز و پاراستنی دەستکەوتەکانی گەلەکەمان، ئومێدەوارین لایەنەکان ئەم ئەرکە پیرۆز و نەتەوەییە بەجێبگەیەنن.


هەر لەساڵی نوێدا، هیواخوازین ووڵاتمان پڕبێت لەخێر و خۆشی و پرۆژەی زیاتری خزمەتگوزاری، گەرمیانەکەمان زیاتر ئاوەدانی و گەشەسەندن بەخۆوە ببینێت و ژیان و گوزەرانی موچەخۆران و هاوڵاتیان بە گشتی خۆشتر و گەشتر بێت و هەرچی ناخۆشی ساڵانی رابردوو هەیە بەجێبهێلێن و مەراز و ئاواتەکانی هەمووان لەم ساڵدا بەدیبێت.


دووبارە سەری ساڵی نوێی زایینی (٢٠٢٦) لەهەموولایەک پیرۆز بێت و هەمیشە ئاسودە و سەرفراز بن.


جەلال شێخ نوری 
سەرپەرشتیاری ئیدارەی گەرمیان
٢٠٢٥/١٢/٣١