رێگای شەش گوند کە بەهۆی لافاوەوە تێکچوون چاکدەکرێنەوە

بەروار: 27/01/2026

بە هەماهەنگی لەگەڵ ئیدارەی گەرمیان، لەلایەن تیمەکانی بەرێوەبەرایەتی رێگاوبانی گەرمیان و لە رێگەی ئامێرەکانی کۆمپانیای ژالیانەوە لە چۆارچێوەی هەڵمەتی باری لەناکاو چاککردنی رێگاوبانەکانی سنوری ئیدارەی گەرمیان، دەستبەکاربووین لە چاککردنی  رێگای گوندەکانی (قەرەبڵاغ ـ پێرە فەقیرە ـ گومار  ـ سید حسێن ـ رەحیم وەرقە ـ دۆانزە ئیمام) لە ناحیەی کۆکسی سەر بە قەزای کفری،.

هاوکات ئەو بەشانەی لە ڕێگای سەرەکی کفری ـ دۆانزە ئیمام  ـ قەرەبڵاغ، کە بە هۆی لافاوەوە تێکچوون، بە هەماهەنگی لە لایەن ئیدارەی گەرمیان و تیمەکانی بەرێوەبەرایەتی رێگاوبانی گەرمیان و ئامێرەکانی کۆمپانیای ژالیانەوە چاک دەکرێنەوە.

بەڕێوەبەرایەتی رێگاوبانی گەرمیان