ڕێگای گەڕەکی ئازادی لە قەزای کفری قیرتاوکرا

بەروار: 05/03/2026

بەیانی ئەمڕۆ (٥ی ئازاری ٢٠٢٦) بە ئامادەبوونی قایمقامی قەزای کفری و سەرۆکی شارەوانی کفری و لێپرسراوی بەشی پڕۆژەکانی بەڕێوەبەرایەتی گشتی شارەوانیەکانی گەرمیان و لێپرسراوی پلاندانان، دەستکرا بە قیرتاوکردنی جوتسایدی گەڕەکی ئازادی لە قەزای کفری. 


گوژمەی پڕۆژەکە خۆی لە نزیکەی ٣٤٠ ملیۆن دینار دەبینێتەوە و لەلایەن ئیدارەی گشتی یەکێتی نیشتمانی کوردستانەوە دابین دەکرێت، لە ڕۆژانی داهاتووداشدا دەخرێتە خزمەت هاوڵاتیانەوە.


ساهر عەلی جاسم، قایمقامی قەزای کفری، لە میانی بەسەرکردنەوە و چاودێریکردنی ڕاستەوخۆی پرۆژەکە، دڵخۆشی خۆی بە قیرتاوکردنی ئەم ڕێگە سەرەکییە دەربڕی کە ساڵانێکە کارکردن تێیدا وەستاوه و شاڕێیەکی گرنگە و داواکارییەکی بەردەوامی خەڵکی شاری کفری بووە، بەو بۆنەیەشەوە سوپاس و پێزانینی ئاڕاستەی ئیدارەی گشتی یەکێتی نیشتمانی کوردستان کرد کە لەسەر بودجەی تایبەتی خۆیان، ئەم پرۆژەیەیان تەواوکرد. هەروەها هیواشی خواست، لە ئایندەیەکی نزیکدا، تەواوی پرۆژەکانی دیکەی شاری کفری تەواو بکرێن.




🔷 ڕاگەیاندنی قایمقامیەتی قەزای کفری
🔷 سەرۆکایەتی شارەوانی کفری