هاوڵاتییەک لە رووبارى سیروان خنکا

بەروار: 17/06/2026

هاوڵاتییەک لە رووبارى سیروان خنکا

ئێوارەى ئەمڕۆ (٢٠٢٦/٦/١٧) دواى ئەوەى لە سنورى شارى کەلار لە رووبارى سیروان گەنجێک خنکا، سەرپەرشتیارى ئیدارەى گەرمیان سەردانى شوێنى رووداوەکەى کرد و لە نزیکەوە چاودێرى کارى دامودەزگا ئەمنى و پەیوەندیدارەکانى کرد لە کاتى گەڕان بەدواى تەرمى ئەو هاوڵاتییەى خنکاوە.

لەو بەسەرکردنەوەدا بۆ شوێنى رووداوەکە کە هەریەکە لە قایمقامى قەزاى کەلار و دامودەزگا پەیوەندیدارەکان ئامادە بوون، هاوکارى و هەماهەنگى  ئیدارەى گەرمیان و دامودەزگاکانى سنورەکەى دووپاتکردەوە بۆ دۆزینەوەى تەرمى ئەو هاوڵاتیە و لایەنە پەیوەندیدارەکانیشى راسپارد هەوڵەکانیان لەو بارەوە زیاتر چڕبکەنەوە بە ئامانجى خێرا دۆزینەوەى تەرمەکە.