سەرپەرشتیاری ئیدارەی گەرمیان پێشوازیکرد لە وەزیری کار و کاروباری کۆمەڵایەتی
3 / 8 / 2023
ئەمڕۆ (٢٢ی حوزەیران) سەرپەرشتیاری ئیدارەی گەرمیان بەئامادەبوونی جێگری سەرپەرشتیار و قایمقامی قەزای کەلار، پێشوازیکرد لە کوێستان محمد، وەزیری کار و کاروباری کۆمەڵایەتی حکومەتی هەرێم و شاندی یاوەری. لە دیداری نێوانیان باس لە کار و چالاکییەکانی بەڕێوەبەرایەتی گشتی و بەڕێوەبەرایەتیەکانی وەزارەتی کار لە گەرمیان کرا و جەخت لە هەماهەنگی و هاوکاری نێوان هەردولا بۆ باشتر بەڕێوەچوونی کارەکان کرایەوە. سەردانەکەی وەزیری کار و کاروباری کۆمەڵایەتی بەمەبەستی کردنەوەی بەڕێوەبەرایەتی دەستەبەری کۆمەڵایەتی گەرمیان و سیستمی تاک پەنجەرەیە لە بەڕێوەبەرایەیی تۆڕی پاراستنی خێزان سەر بە وەزارەتی کار و کاروباری کۆمەڵایەتی. لای خۆیەوە، جەلال شێخ نوری سەرپەرشتیاری ئیدارەی گەرمیان ئامادەیی ئیدارەی گەرمیانی پیشاندا بۆ هاوکاری و هەماهەنگی بەڕێوەبەرایەتی دەستەبەری کۆمەڵایەتی بەمەبەستی ئەنجامدانی کارەکانی بەشێوەیەکی سەرکەوتوانە و خزمەت گەیاندن بە چینی کرێکاران.
| 317 جار خوێندراوه‌ته‌وه |
|
|
|