ئەمڕۆ (٢٣ی تەمموز) لە چوارچێوەی خولەکانی پەرەپێدانی توانا مرۆییەکان، لەلایەن بەشی بەڕێوەبردنی دڵنیایی جۆری ئیدارەی گەرمیانەوە خولی ژمێریاری دەستیپێکرد.

لە مەراسیمی دەستپێکی خولەکەدا، رامیار عەبدولڕەحمان جێگری سەرپەرشتیاری ئیدارەی گەرمیان، رایگەیاند، ئێمە لە ئیدارەی گەرمیان لەپێناو باشتر بەڕێوەچوونی کارەکای فەرمانگەکان و برەودان بە توانای فەرمانبەران لە بوارە جیاجیاکاندا، خول دەکەینەوە و لەلایەن پسپۆرانەوە وانەی خولەکان دەوترێنەوە.

ووتیشی، ژمێریاری بوارێکی گرنگە رۆڵی گەورەی دەبێت لە راییکردنی کاری فەرمانگەکان و هیوادارین ئەو ژمێریارانەی لەم خولەدا بەشدارن بتوانن سودمەند ببن و لە فەرمانگەکانیان کارەکان باشتر رایی بکەن.