ئەمڕۆ (١٦ی تشرینی دووەم) بە ئامادەبوونی سەرۆکی دەستەی گەشتوگوزار و جێگری سەرپەرشتیاری ئیدارەی گەرمیان و قایمقامی قەزای کەلار و بەڕێوەبەری گشتی گەشتوگوزاری گەرمیان و ژمارەیەک لە بەڕێوەبەری گشتی و بەڕێوەبەری دامودەزگا حکومیەکان، بە سەرپەرشتی بەڕێوەبەرایەتی گشتی گەشتوگوزاری گەرمیان، چوارەمین فیستیڤاڵی بە بازاڕکردنی گەرمیان لە شاری کەلار دەستی بەکارەکانی کرد.

فیستیڤاڵەکە لە شاری یاری کەلار بەڕێوەدەچێت، ماوەی شەش رۆژ بەردەوام دەبێت و تیایدا، نزیکەی ٤٠٠ براند و کۆمپانیا و شوێنکاری ناوخۆیی و وڵاتانی دراوسێ بەشداردەبێت. هاوکات، چەندین بەرهەمی خۆراکی پیشەسازی خۆماڵی و بەرهەمی کاری دەستی نمایش دەکرێت.