ئەمڕۆ (٢٦ی تشرینی دووەم) سەرپەرشتیاری ئیدارەی گەرمیان بە ئامادەبوونی جێگری سەرپەرشتیاری ئیدارە، لەگەڵ قایمقامی قەزای خانەقین کۆبووەوە.

لە کۆبوونەوەکەدا، باس لە رەوشی قەزای خانەقین بەگشتی و کاروباری بەڕێوەبەریەتیەکانی سەر بە حکومەتی هەرێم لە ناوەندی قەزای خانەقین کرا و لای خۆیەوە، جەلال شێخ نوری سەرپەرشتیاری ئیدارەی گەرمیان، پشتیوانی ئیدارەی گەرمیانی بۆ قەزای خانەقین خستەڕوو، جەختیشیکردەوە، ئیدارەی گەرمیان کار دەکات بۆ ئەوەی هاوشێوەی قەزاکانی تری سنوروکە لە رێگەی بەڕێوەبەرەیەتیەکانی هەرێم لە خانەقین خزمەتی قەزاکە بکرێت.

هەر لە کۆبونەوەکەدا، دلێر حەسەن سایە، قایمقامی قەزای خانەقین، سوپاسی سەرپەرشتیاری ئیدارەی گەرمیانی کرد بۆ پاڵپشتیەکانی و بەگرنگیەوە روانینی لەقەزای خانەقین، ئەوەش لەپێناو خزمەتکردنی باشتری قەزاکە .

لە قەزای خانەقیندا، زیاتر لە ١٥ بەڕێوەبەرایەتی سەر بە بەڕێوەبەرایەتیە گشتی و ئەمنیەکانی سنوری ئیدارەی گەرمیان هەیە و لە سێکتەرە جیاجیاکاندا خزمەتگوزاری پێشەکەش دەکەن.