ئەمڕۆ(٢ی کانوونی یەکەم)بەئامادەبوونی حەمەی حەمەسەعید وەزیری رۆشنبیری و لاوانی حکومەتی هەرێم و سەرپەرشتیاری ئیدارەی گەرمیان و جێگری سەرپەرشتیاری ئیدارە و لێپرسراوی باڵای لایەنە سیاسیەکان و بەرپرسانی حکومی و هونەرمەندان و هونەردۆستان، کارەکانی یەکەمین دیداری ئەڵوەند بۆ هونەر و شارستانیەت، کەلەلایەن بەڕێوەبەرایەتی رۆشنبیری خانەقین سەر بە بەڕێوەبەرایەتی گشتی رۆشنبیری گەرمیان، بەهاوکاری ناوەندی کلتوری خانەقین، ئەنجامدەدرێت دەستی بەکارەکانی کرد.

دیدارەکە، ماوەی دوو رۆژ بەردەوام دەبێت و خۆی دەبینێتەوە لە پێشانگای شێوەکاری و نمایشکردنی دۆکیۆمێنتاری و خوێندنەوەی شیعر و کۆنسێرتی گۆرانی و نمایشکردنی تابلۆی هەڵپەڕکێ و نمایشی کاری دەستی و چەندین چالاکی تر.