ئەمڕۆ (٢٠ی شوبات) جەلال شێخ نوری سەرپەرشتیاری ئیدارەی گەرمیان بە ئامادەبوونی رامیار عەبدولڕەحمان جێگری سەرپەرشتیار، پێشوازیکرد لە شێرکۆ میروەیس لێپرسراوی مەڵبەندی خانەقینی یەکێتی نیشتمانی کوردستان و م.عەلی پەرلەمان پێشمەرگەی دێرین و کەسایەتی سیاسی.

لە دیداری نێوانیان باس لە بارودۆخی ئەمنی و خزمەتگوزاریی شاری خانەقین و ناوچە کوردستانیەکانی هاوسنوری ئیدارەی گەرمیان کرا و جەختکرایەوە لە بەگەڕخستنی هەوڵی هەمەلایەنە بۆ خزمەتکردنی ئەو ناوچانە.