بەردی بناغەی پڕۆژەی دروستکردنی رێگای قیری (دوانزە ئیمام-قەرەبڵاغ) لە سنوری قەزای کفری دانرا
27 / 5 / 2024
ئەمڕۆ (٢٦ی ئایار) بەئامادەبوونی وەزیری ئاوەدانکردنەوەو نیشتەجێکردن و سەرپەرشتیاری ئیدارەی گەرمیان و جێگری سەرپەرشتیار و ژمارەیەک لە بەڕێوەبەری گشتی و راوێژکاری وەزارەتی ئاوەدانکردنەوە و قایمقامی کفری و بەڕێوەبەری رێگاوبانی گەرمیان و بەڕێوەبەری ژمارەیەک لە دامودەزگا حکومیەکانی سنورەکە، بەردی بناغەی پڕۆژەی (دروستکردنی رێگای قیری دوانزە ئیمام-قەرەبڵاغ)ی لە کفری دانرا. پڕۆژەکە پێکهاتوە لە دروستکردن و قیرتاوکردنی رێگایەکی بەدرێژی (24)کم و گوژمەی زیاتر لە شەش ملیار دیناری بۆ تەرخانکراوە، بە جێبەجێکردنی بەماوەی (400) رۆژی رۆژمێری، کۆمپانیای ژالیان جێبەجێی دەکات و لەلایەن بەڕێوبەرایەتی گشتی رێگاوبانی گەرمیانەوە سەرپەرشتی دەکرێت.
| 269 جار خوێندراوه‌ته‌وه |
|
|
|