شەوی چوارشەممە 2024.6.5، پارێزگاری هەولێر لە دیوانى پارێزگا، پێشوازیکرد لە پارێزگاری ئازاربایجانی ڕۆژئاوا(ئورمیە) و پارێزگاری سنە و پارێزگاری کرماشان و ژمارەیەکی دیکە لە پەرلەمانتاران و هەردوو سەرکونسڵی ئێران لە هەولێر و سلێمانی.

لە کۆبوونەوەیەکدا، کە هەریەکە لە د.هەڤاڵ ئەبوبەکر، پارێزگاری سلێمانی و جەلال شێخ نوری، سەرپەرشتیاری ئیدارەی گەرمیان و ژمارەیەک لە بەرپرسانی باڵای هەرێم و ئێران بەشداری بوون، جەخت لە پتەوکردنی پەیوەندییەکان و بە هێزکردنی جموجۆڵی بازرگانی و ئابووری نێوان ئێران و هەرێمی کوردستان کرایەوە گفتوگۆکرا لەبارەی هاتنی زیارەتکارانی ئێران بۆ شوێنە ئایینی و پیرۆزەکانی عێراق لە رێگەی مەرزەکانی هەرێمی کوردستانەوە بەجۆرێک کارئاسانی بکرێت بۆ زیارەتکاران.