سەرپەرشتیاری ئیدارەی گەرمیان پێشوازیکرد لە بەڕێوەبەری گشتی بەرگری شارستانی
11 / 9 / 2024
ئەمڕۆ (١٠ی ئەیلول) جەلال شێخ نوری سەرپەرشتیاری ئیدارەی گەرمیان پێشوازیکرد لە لیوا یادگار ئەنوەر بەڕێوەبەری بەرگری شارستانی لە وەزارەتی ناوخۆ. لەو دیدارەدا کە بەڕێوەبەری بەرگری شارستانی گەرمیان و ژمارەیەک لە ئەفسەران ئامادەی بوون، تیشکخرایەسەر کار و ئەرکەکانی بەرگری شارستانی و رۆڵیان لەبەدەمەوەچوونی رووداوە لەناکاوەکاندا و لەگەڵ ئەوەشدا جەختکرایەوە لە دابینکردنی پێداویستیەکانی بەرگری شارستابی گەرمیان لەپێناو ئەوەی باشتر بە ئەرکەکانی هەستێت. هاوکات، بەڕێوەبەری گشتی بەرگری شارستانی سوپاسی ئیدارەی گەرمیانی کرد لەبەرامبەر هاوکاری بەردەوامی بۆ بەرگری شارستانی گەرمیان و بەدەمەوەچوونی کێشەوگرفتەکانیان. لای خۆیەوە جەلال شێخ نوری سەرپەرشتیاری ئیدارەی گەرمیان دەستخۆشی لە بەرگری شارستانی گەرمیان کرد بۆ خزمەتی بەردەوامیان و ئامادەیی ئیدارەی گەرمیانی پیشاندا بۆ هاوکاریکردنیان لەپێناو باشتر راییکردنی کارەکانیان. |
|
|