ئەمڕۆ (٢٩ی تشرینی یەکەمی ٢٠٢٤) بەسەرپەرشتی سەرپەرشتیاری ئیدارەی گەرمیان و بە ئامادەبوونی نوێنەری جێگری سەرۆکی حکومەت و دامودەزگا پەیوەندیدارەکان سەبارەت بە ئامادەکاریکردن بۆ روبەڕوبونەوەی مەترسیەکان لە ئەگەری روودانی لافاو کۆبونەوەیەک ئەنجامدرا.

لە کۆبوونەوەکەدا، هەریەکە لە قایمقامی کەلار و کفری و بەڕێوەبەرە گشتیەکانی وەبەرهێنان و شارەوانیەکان و بەڕێوەبەری بەرگری شارستانی گەرمیان و ئاودێری و رێگاوبان و چاکسازی رێگاوبان و بەڕێوەبەری کۆچ و کۆچبەران و وەڵامدانەوەی قەیرانەکان و بەڕێوەبەری ناحیەکانی مەیدان و قۆرەتوو و سەرۆکی شارەوانی کەلار ئامادەبوون.

لە کۆبونەوەکەدا تاوتوێی ئامادەکارییەکان کرا و باس لە پێداویستیەکان بۆ بەرەنگاربونەوەی لافاو کرا و جەختکرایەوە لە گرتنەبەری رێکاری پێویستی وەک دڵنیابونەوە لە بەربەستەکانی لافاو و پاککردنەوەی رێڕەوەکانی ئاو بۆ رێگری لە زیانەکان لەئەگەری رودانی لافاودا.