ئەمڕۆ (٧ی تشرینی دووەم) بە ئامادەبوونی جەلال شێخ نوری سەرپەرشتیاری ئیدارەی گەرمیان و سەرۆکی دادگای تێهەڵچونەوەی گەرمیان و سەرۆکی زانکۆی گەرمیان و زانکۆی پۆلیتەکنیکی گەرمیان و خانەوادەی کۆچکردوو حاکم فەرهاد حاتەم و ژمارەیەک لە مامۆستایانی زانکۆ و پسپۆرانی یاسا، لە مەراسیمێکدا، هۆڵی دادگای گریمانەیی دادوەر د.فەرهاد حاتەم، لە کامپی زانکۆی گەرمیان کرایەوە.

لە مەراسیمەکەدا، تیشکخرایە سەر ئەزموون و کارەکانی (حاکم فەرهاد حاتم) کە لە رابردوودا وەک پسپۆرێکی یاسایی ڕۆڵێکی بەرچاوی هەبووە و بەنوسینی چەندین کتێب و توێژینەوەی زانستی لەبواری خوێندنی باڵادا خزمەتی کردووە و جێگەی دەستی دیار بووە، دوابەدوای ئەوەش هەر ئەمڕۆ لە رێوڕەسمێکدا کتێبخانەی (پرۆفیسۆر د.مستەفا زەڵمی) لە زانکۆی گەرمیان کرایەوە.