ئەمڕۆ (١٢ی تشرینی دووەمی ٢٠٢٤)سەرپەرشتیاری ئیدارەی گەرمیان سەردانی لقی گەرمیانی یەکێتی زانایانی ئاینی ئیسلامی کرد و پیرۆزبایی لە مەلا ئیدریس ژاڵەیی کرد بە بۆنەی دەستبەکاربونیەوە وەک لێپرسراوی لق، هاوکات پشتیوانی ئیدارەی گەرمیان و دامودەزگاکانی حکومەتی بۆ مامۆستایانی ئایینی و یەکێتی زانایان دوپاتکردەوە.

لە دیداری لەگەڵ مامۆستایانی ئاینی و ستافی لقی گەرمیانی یەکێتی زانایانی ئاینی ئیسلامی، جەلال شێخ نوری سەرپەرشتیاری ئیدارەی گەرمیان، باسی لە رۆڵ و پێگەی کۆچکردوو مامۆستا مەلا حەمەئەمین، لێپرسراوی پێشووی لقەکەیان کرد و کار و خزمەتەکانی بەئاینی ئیسلام و کۆمەڵگە بەرز نرخاند، هاوکات هیوای سەرکەوتنی بۆ مەلا ئیدریس ژاڵەیی خواست و پشتیوانی خۆی بۆ دوپاتکردەوە.

لەبەرامبەردا مەلا ئیدریس سەرۆکی لقی گەرمیانی یەکێتی زانایانی ئاینی ئیسلام و ستافی لقەکە سوپاسی سەرپەرشتیاری ئیدارەی گەرمیانیان کرد بۆ سەردانەکەی و هاوکاری و پشتیوانیان.