ئەمڕۆ (١٤ی تشرینی دووەمی ٢٠٢٤) بە ئامادەبوونی سەرپەرشتیاری ئیدارەی گەرمیان و قایمقامی قەزای کەلار و بەڕێوەبەری گشتی گەشتوگوزاری گەرمیان و ژمارەیەک لە بەرپرسانی لایەنە سیاسیەکان و بەڕێوەبەری فەرمانگەکانی سنورەکە و سەرۆکی کۆمەڵەی هاوردە و ناردنکارانی کوردستان و بەشێک لە سەرمایەدار و خاوەنکارەکان و گەشتیارانی ناوچر جیا جیاکان، پێنجەمین فیستیڤاڵی بازاڕ لە شاری کەلار دەستیپێکرد.

فیستیڤاڵەکە بۆ ماوەی چوار رۆژ بەردەوام دەبێت و ٣٠٠ کەپری بازرگانی بۆ ئامادەکراوە و زیاتر لە ٢٥٠ کۆمپانیای ناوخۆیی و بیانی تێیدا بەشدارن، بە رێژەی ٦٠٪ی ئەو بەرهەمانەی دەخرێنەڕوو ناوخۆیین.