ئەمڕۆ (٢٣ی تشرینی دووەمی ٢٠٢٤) بە ئامادەبوونی وەزیری رۆشنبیری و لاوان و جەلال شێخ نوری سەرپەرشتیاری ئیدارەی گەرمیان و بەرپرسی لایەنە سیاسیەکان و ژمارەیەک لە پەرلەمانتار و بەڕێوەبەری دامودەزگاکان و بەشێک لە کەسوکاری ئەنفالکراوان و ئەدیبان و رۆشنبیران، یەکەمین فیسیڤاڵی ئەدەبی جینۆساید لە ناحیەی رزگاری بەڕێوەچوو.

فیستیڤاڵەکە بە دروشمی (ووشە وەک شایەتحاڵی جینۆساید) لەلایەن یەکێتی نوسەرانی جینۆساید بە هەماهەنگی لەگەڵ رێکخراوی هاوکاری ئەڵمانی ئەنجامدرا و تچەندین چالاکی ئەدەبی و پێشبڕکێی شیعر و چیرۆکی لەخۆگرت و لەکۆتایی فیستیڤاڵەکەشدا، خەڵات بەخشرایە ئەو نوسەرانەی بە شیعر و چیرۆک بەشداربوون.