ئەمڕۆ (١٢ی کانونی یەکەمی ٢٠٢٤) بە ئامادەبوونی سەرپەرشتیاری ئیدارەی گەرمیان و قایمقامی قەزای کفری و بەڕێوەبەری گشتی گەشتوگوزاری گەرمیان و بەڕێوەبەری دامودەزگاکانی کفری، کارەکانی دووەمین فیستیڤاڵی بە بازاڕکردنی کفری دەستیپێکرد.

جەلال شێخ نوری، سەرپەرشتیاری ئیدارەی گەرمیان، لەنزیکەوە کەپرە بازرگانیەکانی فیستیڤاڵەکەی بەسەرکردەوە و پشتیوانی ئیدارەی گەرمیانی بۆ برەودان بە کەرتی بازرگانی و بەبازاڕکردن و کاری هاوشێوە لە سنوری گەرمیان بەگشتی و قەزای کفری بەتایبەتی دوپاتکردەوە.

فیستیڤاڵەکە بەچاودێری قایمقامیەتی قەزای کفری و بەڕێوەبەرایەتی گشتی گەشتوگوزاری گەرمیان و بەسپۆنسەری رێکخراوی هاوکاری ئەڵمانی بەڕێوەدەچێت، ٢٠٠ کەپری بازرگانی لە خۆدەگرێت و ماوەی سێ رۆژ بەردەوام دەبێت.تیایدا، چەندین کۆمپانیا و براند بەشدارە و لەگەڵ ئەوەشدا بەرهەمی کاری دەستی و خواردنی کوردەواری نمایش دەکرێن.