ئەمڕۆ (٢٠ى کانوونى دووەمى ٢٠٢٥) بەڕێوەبەرى گشتى بازرگانى هەرێم لە وەزارەتى بازرگانى و پیشەسازى، بەیاوەرى بەڕێوبەرى سایلۆکانى سلێمانى و بەڕێوەبەرى دامودەزگاکانى بازرگانى لە گەرمیان سەردانى ئیدارەى گەرمیانى کرد.

لەو سەردانەدا، نەوزاد کامیل بەڕێوەبەرى گشتى بازرگانى هەرێم، ئەوەى خستەڕوو، بە ئامانجى بە ئاگابوون لە چۆنیەتى بەڕێوەچوونى کارەکانی دامودەزگاکانى بازرگانى لە گەرمیان و بەدواداچوون بۆ کێشەوگرفتەکان سەردانى گەرمیانیان کردووە.

ووتیشى، سوپاسى ئیدارەى گەرمیان دەکەین کە هەمیشە هاوکارێکى باش بووە بەڕێوبەرایەتىەکانى سەر بە وەزارەتى بازرگانى لە سنورەکە، ئەو هاوکارى و هەماهەنگیانە وایکردووە کارەکانمان لە گەرمیان بەبێ کێشە راییبکرێت.

لەبەرامبەردا، جەلال شێخ نورى سەرپەرشتیارى ئیدارەى گەرمیان باسى لە کاروخزمەتەکانى دادودەزگاکانى سەر بە وەزارەتى بازرگانى لە سنورەکە کرد و دووپاتیکردەوە، ئیدارەى گەرمیان وەک هەمیشە هاوکار و پاڵپشت دەبێت بۆیان.