ئەمڕۆ (٢٧ی کانوونی دووەمی ٢٠٢٥) سەرپەرشتیاری ئیدارەی گەرمیان بەیاوەری بەڕێوەبەری گشتی شارەوانیەکانی گەرمیان هەریەکە لە بەڕێوەبەری ناحیە و سەرۆکی شارەوانی رزگاری، پرۆژەی دوسایدی گەڕەکی شاکەلی بەسەرکردەوە.

سەردانی جەلال شێخ نوری سەرپەرشتیاری ئیدارەی گەرمیان بە مەبەستی لە نزیکەوە ئاگاداربوون بوو لە چۆنیەتی بەڕێوەچوونی کارەکانی پرۆژەکە کە لە ئێستادا لە بڕگەی قیرتاوکردندایە.

لە لێدوانێکیدا سەرپەرشتیاری ئیدارەی گەرمیان رایگەیاند، ئەم پرۆژە یەکێکە لە پرۆژە گرنگەکانی ناحیەی رزگاری، پێش قەیرانی دارایی لەسەر بودجەی پترۆ دۆلار چوەتە بواری جێبەجێکردنەوە بە گوژمەی زیاتر لە چوار ملیۆن دۆلار.

ووتیشی، ئێستا بڕگەی سەرەکی پرژەکە کە شەقامێکی دووسایدی گرنگە و تۆڕێکی رێگای هاتوچۆی ناو گەڕەکەکە دروست دەکات، دەستی پێکردەوەتەوە و لە داهاتوودا کار لە سەر بڕگەکانی تری دەکرێت.

ووتیشی “لێرەشەوە دوپاتی دەکەیەنەوە ئەنجامدانی پرۆژە بۆ شارو شارۆچکەکانی گەرمیان بەردەوام دەبێت، ئەو پرۆژانەشی لە ماوەی رابردوو راگیرابوون بە فەرمانی جەنابی کاک قوباد تاڵەبانی زۆربەی زۆریان خراونەتە بواری جێبەجێکردنەوە”.