ئەمڕۆ (٢ی ئازاری ٢٠٢٥) ناوەندی هاوبەشی رێکخراوەکانی ژنانی گەرمیان سەردانی ئیدارەی گەرمیانیان کرد و لەدیداریان لەگەڵ سەرپەرشتیاری ئیدارەی گەرمیان، باسیان لە کار و چالاکیەکانیان کرد.

ئەوەشیان خستەڕوو، لە ئێستادا ئامادەکاری دەکەن بۆ ئەنجامدانی چالاکی جۆراوجۆر لە رۆژی ٨ی مارسدا، داواشیان کرد بۆ ئەو مەبەستە ئیدارەی گەرمیان هاوکار و هەماهەنگ بێت لەگەڵیاندا.

لای خۆیەوە، جەلال شێخ نوری سەرپەرشتیاری ئیدارەی گەرمیان، باسی لە گرنگی رۆڵی رێکخراوەکانی بواری ژنان کرد و هاوکاری و پشتیوانی ئیدارەی گەرمیانی بۆ دوپاتکردنەوە.