بەردی بناغەی بینای بەشی نشینگەی گەرمیان دانرا
22 / 10 / 2024
ئەمڕۆ (١٧ی تشرینی یەکەم) بە ئامادەبوونی سەرپەرشتیاری ئیدارەی گەرمیان و قایمقامی قەزای کەلار و بەڕێوەبەری بەشی نشینگەی گەرمیان و پەروێزخان و بەڕێوەبەری پاسپۆرتی گەرمیان، بەردی بناغەی بینای بەشی نشینگەی گەرمیان دانرا کە لەسەر بودجەی هاتوچۆی سلێمانی بەسەرپەرشتی ئیدارەی گەرمیان جێبەجێ دەکرێت. لە کۆنگرەیەکی رۆژنامەوانیدا جەلال شێخ نوری سەرپەرشتیاری ئیدارەی گەرمیان رایگەیاند، دوای قەیرانی دارایی تەنها پرۆژە خزمەتگوزارییەکان رانەگیرا، بەڵکو دروستکردنی بینای فەرمانگەکانیش راگیران، ئەمەش وایکرد چەند فەرمانگەیەک لە یەک بینا کۆبکەینەوە، ئەمەش گرفتی بۆ کاری فەرمانگەکان و هاوڵاتیان دروست کردبوو. ووتیشی، لەئێستادا دەستکراوەتەوە بە دروستکردنی پرۆژەی نوێی لە شار و شارۆچکەکان و دروستکردنی بینای فەرمانگەکان و تەواوکردنی ئەو پرۆژانەی راگیرابوون.بەخۆشحاڵیەوە ئەمڕۆش بەردی بناغەی بینای بەشی نشینگەی گەرمیان دادەنێین کە بە گوژمەی زیاتر لە یەک ملیار و ٦٠٠ ملیۆن دینار جێبەجێ دەکرێت.دیارە ئەم فەرمانگەیە کە پێشتر بینای تایبەت بەخۆی نەبووە، فەرمانگەیەکی گرنگە و کاری خەڵکانی بیانی راییدەکات، ئومێدەوارین لەکاتی خۆیدا تەواوبکرێت و بخرێتە خزمەت هاوڵاتیانەوە.
|
|
|