ئەمڕۆ (٣ی ئازاری ٢٠٢٥) جەلال شێخ نوری سەرپەرشتیاری ئیدارەی گەرمیان بەیاوەری قایمقامی قەزای کفری و بەڕێوەبەری ناحیەی کۆکس و بەرپرسی ژمارەیەک لە فەرمانگەکانی کفری و بەئامادەبوونی کۆمپانیای جێبەجێکار، پرۆژەی رێگای قەرەبڵاغ-دوانزە ئیمامی لە سنوری قەزای کفری بەسەرکردەوە.

پرۆژەکە خۆی دەبیبێتەوە لە ٢٤ کیلۆمەتر رێگای قیرتاو، بە بڕی حەوت ملیار دینار لەسەر بودجەی وەبەرهێنانی وەزارەتی ئاوەدانکردنەوە چوەتە بواری جێبەجێکردنەوە و لە ئێستا ١٤ کیلۆمەتر قیرتاو کە دەکاتە ٦٥٪ی پرۆژەکە تەواو بووە.

رێگای قەرەبڵاغ-دوانزە ئیمام رێگایەکی گرنگ و ستراتیژییە، ناوەندی قەزای کفری دەبەستێتەوە بە ناحیەی کۆکس و ناوچەکانی خوارووی عێراق.