قوباد تاڵەبانی سەردانی ئیدارەی گەرمیان دەکات
16 / 4 / 2024
ئەمڕۆ (١٥ی نیسانی ٢٠٢٤) بەڕێز قوباد تاڵەبانی جێگری سەرۆکی ئەنجومەنی وەزیران، سەردانی ئیدارەی گەرمیانی کرد و لەلایەن جەلال شێخ نوری سەرپەرشتیاری ئیدارەی گەرمیان و بەڕێوەبەری دامودەزگاکانی گەرمیانەوە پێشوازی لێکرا. لە سەردانەکەیدا، جێگری سەرۆکی ئەنجومەنی وەزیران، لەگەڵ سەرپەرشتیاری ئیدارەی گەرمیان و جێگری سەرپەرشتیار و سەرۆکی یەکە ئیدارییەکان و بەڕێوەبەرە گشتیەکان و ژمارەیەک لە بەڕێوەبەری دامودەزگا ئەمنیەکان و بەشێک لە بەڕێوەبەری بەڕێوەبەریەتیەکانی گەرمیان، سەبارەت بە چارەسەرکردنی کێشە و گرفتەکانی سنورەکە لە سێکتەرە جیاجیاکاندا و کارکردن لەسەر داواکاری دامودەزگاکان کۆبووەوە.
| 376 جار خوێندراوه‌ته‌وه |
|
|
|