ئەمڕۆ (٢٨ی ئایاری ٢٠٢٥) سەرپەرشتیاری ئیدارەی گەرمیان بە یاوەری قایمقامی قەزای کەلار، بەڕێوەبەرایەتی تاپۆی گەرمیانی بەسەرکردەوە.

هاوکات هەر ئەمڕۆ جەلال شێخ نوری سەرپەرشتیاری ئیدارەی گەرمیان هەر یەکە لە بەڕێوەبەرایەتی نەوت و کانزاکانی گەرمیان و بەڕێوەبەرایەتی چاودێری بازرگانی بەسەرکردەوە.

لەو سەردانەدا، سەرپەرشتیاری ئیدارەی گەرمیان بەشە جیاوازەکانی ئەو بەڕێوەبەرایەتیانەی بەسەرکردەوە و وێڕای دەسخۆشی لە بەڕێوەبەر و فەرمانبەران، رایسپاردن مامەڵەی هاوڵاتیان بە باشی و لە کاتی خۆیدا رایی بکەن، ئامادەیی ئیدارەی گەرمیانیشی پیشاندا بۆ چارەسەرکردنی کشە و گرفتەکانیان و کارکردن بۆ دابینکردنی پێداویستیەکانی سەرجەم بەڕێوەبەرایەتیەکانیان.

لای خۆشیانەوە بەڕێوەبەری بەڕێوەبەرایەتییەکان، سوپاسی سەرپەرشتیاری ئیدارەی گەرمیانیان کرد بۆ سەردانەکەی و باسیان لە کێشە و گرفتەکانیان کرد لەگەڵ ئەوەشدا کۆمەڵێک داواکارییان ئاراستەی ئیدارەی گەرمیان کرد، لەبەرامبەردا، سەرپەرشتیاری ئیدارەی گەرمیان دەستبەجێ بڕیاری لەسەر جێبەجێکردنی داواکارییەکاندا.