ئەمڕۆ (٢٦ی ئابی ٢٠٢٤) بە مەبەستی لەنزیکەوە ئاگاداربوون لە چۆنیەتی بەڕێوەچوونی کارەکانی پرۆژەکە، جەلال شێخ نوری سەرپەرشتیاری ئیدارەی گەرمیان بە یاوەری بەڕێوەبەری گشتی کارەبای گەرمیان، پرۆژەی وێستەگەی نوێی کارەبای ١٣٢ی کەلاری بەسەرکردەوە.

لەو بەسەرکردنەوەدا، لەنزیکەوە بەشە جیاوازەکانی پرۆژەکەی بەسەرکردەوە و دەستخۆشی ئاڕاستەی بەڕێوەبەرایەتی گشتی کارەبای گەرمیان کرد و پشتوانی ئیدارەی گەرمیانی دوپاتکردەوە بۆ تەواوکردنی پرۆژەکە.

تێچووی پرۆژەی وێستگەی نوێی کارەبای ١٣٢ی کەلار زیاتر لە ٢١ ملیار دینارە و رێژەی زیاتر لە ٩٥٪ی کارەکانی تەواو بووە، بەتەواوبوونی بەشێکی زۆر لە کێشەکانی کارەبا چارەسەردەبێت و کێشەی کەمی ڤۆڵتیەی ناحیەکانی نەوجول و پێبازیش چارەسەر دەکات.