ئەمڕۆ (٩ی ئەیلولی ٢٠٢٤) جەلال شێخ نوری سەرپەرشتیاری ئیدارەی گەرمیان پێشوازی کرد لە دکتۆر ڕەهێڵ فەرەیدون،بریکاری وەزارەتی تەندروستی.

لە دیداری نێوانیاندا کە جێگری سەرپەرشتیاری ئیدارەی گەرمیان بۆ کاروباری کارگێڕی و هەریەکە لە بەڕێوەبەری گشتی تەندرووستی گەرمیان و بەڕێوەبەری خۆپاراستنی گەرمیان و بەڕێوبەری نەخۆشخانەی کەلار و لێپرسراوی لقی گەرمیانی سەندیکای کارمەندانی تەندرووستی ئامادە بوون، تیشک خرایە سەر بەرەو پێشبردنی کەرتی تەندروستی لە گەرمیان و ڕێوشوێنەکانی کردنەوەی تاقیگەی مەرکەزی لەداهاتوودا، کە کارئاسانی تەواو بۆ هاوڵاتیانی گەرمیان دەکات بەجۆرێک نەخۆش بۆ پشکنین پێوست نەکات ڕێگای دوور ببڕیت، هاوکات هەماهەنگی هەردوولا و هەوڵەکانی ئیدارەی گەرمیان بۆ باشتر کردنی کەرتی تەندرووستی لە گەرمیان بەرز نرخێنرا.