بەبۆنەی رۆژی جیهانی بەرەنگاربونەوەی توندوتیژی ژنان، بەچاودێری سەرپەرشتیاری ئیدارەی گەرمیان، پێشەنگایەکی شێوەکاری تایبەت بە پرسی بەرەنگاربونەوەی توندوتیژی دژ بە ژنان لەلایەن، بەڕێوەبەرایەتی بەرەنگاربونەوەی توندوتیژی دژی ئافرەتان و خێزان بە هاوکاری بەڕێوەبەرایەتی گشتی رۆشنبیری گەرمیان بەڕێوەچوو.

پێشانگاکە بە ئامادەبوونی جەلال شێخ نوری سەرپەرشتیاری ئیدارەی گەرمیان و جێگری سەرپەرشتیار بۆ کاروباری کارگێڕی و سەرۆکی زانکۆی گەرمیان و بەڕێوەبەری ژمارەیەک لە دامودەزگاکانی سنورەکە بەڕێوەچوو.

پێشەنگاکە، بەسەرپەرشتی بەشی شێوەکاری رۆشنبیری گەرمیان و بە هاوبەشی لە لایەن کۆمەڵێک شێوەکار کرایەوە و تیایدا چەندین تابلۆی شێوەکاری نمایش کران کە گوزارشت بوون لە راگرتنی توندتیژی دژی ژنان و فەراهمکردنی مافەکانی ژنان.